Кўзларимга нурин берган ўзингиз,

Йўлларимга зиё бўлган ўзингиз.

Ёдимдан чиқмайди алла сўзингиз,

Сиз менинг онамсиз, онам жонажон.

 

Дилингизда учмас мехрингиз бисёр,

Мен учун кўясиз бўлмасин деб хор

Ҳеч қачон бермасин ғанимлар озор,

Сиз менинг онамсиз, онам жонажон.

 

Жонимга жонини тутган ўзингиз,

Забонимга забон битган ўзингиз.

Гар кеч қолсам бедор кутган ўзингиз.

Сиз менинг онамсиз, онам жонажон.

 

Сиздан айирмасин Оллохим бир-бор,

Хар тонгда тилайман умрлар бисёр.

Фаришталар бўлсин сизга мададкор.

Сиз менинг онамсиз, онам жонажон.