Сенсация: «5 йил давомида Озода Нурсаидова булиб келган инсон асли фрибгар булиб чикди!»

Хакикий Озода  билан сухбат!

 Серкирра ижодкор, кучли овоз ва иктидорли санъат сохибаси Озода Нурсаидованинг сунгги пайтлар кушиклари канчалик оммалашса шунчалар унинг атрофида гап-сузлар хам кучайди. Ва бир муддат Озода эфир ва сахналарда куринмади.

Озода билан хизматлар туфайли кечки пайт кунгироклашиб учрашдик. Сухбат шу кадар кизиди-ки, атрофдагиларга жавоб бериб мен билан нак тонггача сухбат курди. Албатта купгина сузлар диктофондан ташкарида колди, лекин, улар шунчаки тахлил куринишида эди. Ва уларнинг асл маъносини мазкур сухбатда куришингиз мумкин. 

Ижодга эмас, шоубизнесга расмий кайтганингиз билан табриклаймиз

-Рахмат

Кайтишни янги ижодлар билан килишарди Сиз янгиликни оригинал йулини танлагансиз чоги, Нурсаидова эмас Саидзода?

-Тугри (жилмаяди). Тугрисини айтсам узи одамга нима керак булади? Эхтиёжидан пайдо булади бир фикр. Биринчи чет-элга гастролга борганимда шунга бир эхтиёж сезганман. Бизни Russians(Руслар) деганди, албатта рус халкини хурмат киламиз, лекин узбекмиз бизни рус деса, барибир узлигимизни намоён килиш бирламчи булади. Фамилиядаги  «ова» кушимчаси чет-элда русларникидек кабул килинади-да. Асли ота-боболаримни фамилиясини кайта тиклаш, миллийликка кайтиш, кейин Саидзодалар сулоласидан булганим ва бизни оилада эркак булмагани  сабабли, узим мажбур булдим шу ишни килишга (кулади). Хозир расмий паспортимда хам Озода Саидзодаман.

Миш-мишларга караганда отангиз билан муносабатингиз санъат туфайли бузилган, балки шу оркали ота фамилиядан воз кечдингизми?

-Йук, йук. Ундай гап йук, алокамиз жуда яхши, хамма нарса оилавий мухокама килиниб бу карорга келинган. Бу   икки-уч йилдан бери уйланиб келинаётган нарса эди, энди мана янги бир куринишда, янги имижда сахнага кайтишда бира тула янгилик килиб расмий килишга ахд килдим. Ният анчадан бери бор эди, отамга хам айтганман.

Кушикларингизда хам отангизга каратилган сузлар бор. Кандайдир узгача бир маъно, айникса «Бемор киз»  ва «Ота» кушикларингизда

-«Бемор киз» кушигимда болалар уйига беморлиги учун ташлаб кетилган киз номидан куйланган. Хар бир одамнинг оиласида хар хил мушкулликлар булади, оилавий масаладаги мавзуларга сал нозикрок карайман, шахсий хаётга тугриси.

 Туркия сафари хакида, концерт кандай утди?

-Туркияда концерт бермадим, Дубайда концерт бердим, Туркияда мусикий йуналишлар, санъат тарихи устида илмий иш олиб бордим десам хам булади. Куп турк ва хиндистонлик ижодкорлари билан ишлайман, дунёга узбек эстрада поп мусикасини таргиб килиш учунгина. Туркиядаги фестивалда чет-элдан келган мехмон булиб кушик айтдим. Лекин узбек тилида куйладим. Дубайда «Iran night» клубида  кунига 40 минутдан 16 кун концерт бердим, америкадан келган бир эронлик Шахром Совлатий  кушикчи билан. У 40 минут, мен 40 минутдан. Узбекистондан биринчи борилиш экан кизик булди уларга. Бир зур вокеа булди. Дубайда , Шаржа аэропортдан тушиб, халиги паспорт назоратидан утаётсам, бир араб текширувчи паспортимга караб менга галати бир караб тикилиб колди.  Паспортимда бир муаммо бормикан деб хавотирланиб турсам, инглизчалаб «Сен Озода Нурсаидовамисан?» деди. Ха десам, «Сен кушикчимисан?» деди. Ха дедим жилмайиб. «Кушикларингни бир икктасини яхши кураман» дедида узбекчалаб «Севдим дединг севаман дедим» деб кушигимдан куплетни куйлаб берса борми, этим жимирлаб кетди. Шу пайтларда нима кийинчиликларингиз булса хаммаси эсдан чикиб кетаркан. Бундан ортик бахт йук-да шу пайт ижодкор учун. Яна узбекчалаб куйлаганидан узимни жудаям бир бошкача хис килдим. Кейин мана концертларда арабларни курдим, кул телефонларида «Кетма», «Холос» кушикларим, араб ижодкорлари хамкорликни таклиф килишди. Мани максадим эса узбек замонавий эстрадасини дунёга олиб чикиш. Осиё гулдастаси деган бир албом чикаряпман, clubethno modern music,  яъни 9 кушик булса, 3 таси club version. Бу йуналишлардаги жадалланишни курсата бериш, шаркий бир гулдаста. Асосий ургу узбек, шунинг учун хам  Саидзода  булдим, агар «ова»си булса узбек булмай колади. (кулади). Чунки улар билан шартнома тузганингиздан сунг, расмий номланишингиз мос булиши керак.

 Ким билан?

-Сир хозирча (хандон отиб кулади)  

Юкорида санъатни чукур урганиб хатто илмий ишлар олиб боряптганингизни айтиб утдингиз, нахотки якин орада Сиздан диссертациялар хам олсак?

-Биласизми, кимлардур килиши керак-ку шу нарсани. Бир нарсага хайрон коламан-да, телевидениега бир кушикни олиб борсанг, озарбайжонча дейди, кечирасизу, озарбайжонлар бизнинг кушикларимизни айтяпти. Телевидениени курсангиз бутун уйгур-кашкар мусикасими узбек мусикасими ажрата олмай колдим тугриси. Мен факат кашкар йуналишида кушик айтишни хохламайман. Очик гап. Узбек дегани факат уйгур-кашкар йулимас. Самарканд, Бухоро бор, Хоразм, Сурхандарё, куп. Умуман регионал мусика бу этника. Лекин битта жойга бориб узбекчасига кушик айтингми узбек деб кабул килишаверади, уни ичидан кир кидириш нима кераги бор? Кир кидирса хозир давлат тадбиридаги майдонга чикиб айтилаётган кушиклар хаммаси уйгур-хитой мусикасига якин. Бизнинг узбек мусикасимас у. Нимага майдонда айтишяпти уни? Масалан мен каршиман! Чунки мен нотасигача исботлай бераман керак булса.

Нима янгилик очдингиз бу изланишларда?

-Масалан мени куп танкид остига олишарди, «Озода озарбайжонча турк  кушикларини куйлайди» деб. Энди каранг, куп гастролларда буламиз, Озарбайжондан куп таклифлар келади, окибатда хозир озарбайжонлар бизнинг кушикларни айтишяпти, шахсан менинг кушикларимни хам. Аввал биздан аввалги санъаткорлар айтарди уларнинг кушикларини. Мени шогирдларим хам бор Озарбайжонда, Тожикистонда. Келиб устоз деб керак булса кулимни упади, мен хижолат буламан. Нега? Сабаби улар хеч качон бизларни озарбайжонча мусика демаяпти. Якинда Дубайдан бир кушик олиб келдим, Ирок мусикаси 6Х8. Эшитсангиз лазги дейсиз. Тарихга назар соламиз, бир ярим минг, бир минг етти юз йил  оркага утиб, тарихни ургансак, Бактрия деган давлат булган. Уша хозирги Озарбайжон, Эрон, Хоразм, Ирок битта регион Эрон шохлиги булган. Бизнинг давлатлар хам Эрон шохлигига кирган. Самарканд, Бухоро (куллари билан столда чизгилар чизиб курсатади) мана шу давонгача. Тошкент хам кирган. Бизнинг давлат Эрон шохлигининг Бактрия кисми булган. Бу дегани битта  узак, якинлик куп дегани, (икки кафтини бирлаштириб жипслаштиради) буни ажратиш кийин. Мен шуни илмий ургандим. Тугри келган, керак булса манман деган бастакор билан илмий бахслаша оламан. Кечирасизу Совет даврида тахсил олган, Бах билан Бетховендан нари утмаганларнинг «Бу озарбайжонча мусиками?» дейдиганлар сал чукуррок урганишса буларди тарихни. Майли уйгур мусикаси узига яраша лекин нима учун факат шунака мусика булиши керак? Мен тушунмаяпман, бу таргиботми бу, билолмаяпман. Мана каранг(Лазги кушигини бошланишини куйлайди) энди мана буни фарки борми? (Афсуски диктофондаги куйланишни укувчиларга етказиб бера олмаймиз, шуда балки улар хам фаркни сезган булар эдилар). Демак бу хам Узбекистон-ку. Тил бир-ку. Нима учун айнан бир куринишда куйланиш шарт? Бирлашсин, синтез килинсин. Нима учун хозир бизни эстрадамизга кириб кетган маддохликни килиш керак?

Маддохлик? Нима  бу?

-Ёзиб куяверинг яхши булади. Маддохлик кучайиб кетиб колди. Маддохлар купайиб кетди. Хозир инсонларда хамма нарса бор лекин…кузида нури йук. Санъаткорлар инсонларга хис туйгу бериши керак. Майдонда айтиладиган кушиклардан эшитиб мен туйгуланмайман. Номига айтилади холос. Шунча байрам нимага килиняпти?

Нима учун узингиз шу давлат тадбирларида катнашмайсиз?

-Мен 2006 йил Навруз хакида бир кушик килиб берганман, Болтавой Шодиев деган бир яхши окамиз бор, байрам тадбирлари ташкилотчиларидан,  «Окажон Навруз хакида бир кушик кеб колди, мени чикармаслигингизни биламан» дедим. Кулди. «Нимагалигиниям билмайман, лекин чикармаслигингизни биламан» дедим. «Лекин мана шу кушик сизларга хадя» дедим. «Хохланг муаллифни курсатманг, лекин шуни якунида шуни айтисин кимдур» дедим. Лекин хозиргача жимлик. Узим чикиб айтаман деяптганим хам йук. Афсуски зур асар, халиги кушикни  эшитган одамни бадани жимирлаши аник. Композиция мусикаси хам узимники, мен бир зур кушик килдим деб мактанаётганим йук, лекин сифатли лойик булган асар намунаси эди. Оллох бир бериб коладида шундай илхомни, шунда шунаканги бир асар яралади. Одамга таъсир киладиган кушикни беришмаяпти-да. Мана карангда, ургуни тугри берайлик, мен сиёсатни назарда тутмаяпман, сиёсатга умуман аралашмайман хам, тугри тушунишсин, Озода сиёсатга аралашибди деб ургуни нотугри беришмасин, мен ана шу майдонда ишлаяптган ижодкорларни айбини айтяпман. Ахамият беришмаяптими ёки нима учун бундай буляпти, сузлар хужа курсинга, галати-галати, халкга таъсир килмайдиган, атайлаб киляптгандекми, таъсирчан кушиклар йук, шуни тушунмайман. Бу кушикни Навруз байрамига узим такдим килмокчиман, клип хам олиш режалаштирилган, албатта майдон учун эмас, эшитсангиз куз унгингизга келадиган кушик булган.

 

Сунгги ижод намуналарингиздан «Холос» кушигингиз хакида, жуда таъсирчан чикди, лекин, унга ургу берилмади, клип масалан.

-Биласизми клип олинган, бир йилдан ошган, лекин уша пайт мени узимга ургу берилди-ку. Уша пайт анча пайт дам олдим менга ургу берилганига (кулади). Шунинг учун имконият булмади. Очигини айтсам бу кушигимни уч тилда яна айтдим, ва бир клипда уч хил тилдагиси бир булиб тугалланади. Турк узбек ва араб тилларида (арабчасидан бир куплет куйлаб берди).  Шу клип олиниб чикарилмагани сабаби, узбек тилида булган, энди умумий уч тилдагиси микс килиниб чикарилади, алохида алохида учта клип олишга тугри келади булмаса. Битта жараёнда бир чикариш керак.

«Битсин уруш» клипи олиниш жараёнининг гувохи булгандик, негадур эфир юзини курмади

-Битта нарса айтайми нимаси ёкмади? Клипни суратга олган режиссер фрибгарлик килиб куйди. Биласизми санъатда юкори чуккига эришиш учун куп нарсалардан воз кечганман. Масалан бир кун сифатсиз килиб келишган, канча пулим кетган булса хам отиб юборганман. Яна айтганман, яна сифатсиз килиб келтирганми, пулим булса, булмаса, шунга мухтож булсам хам курсатмай, яна пул йигиб сифатли килишга харакат киламан. Учтасини отиб юборганимдан сунг, кейин сифатли нарсани чикарганман. Сифатсиз нарсага пулим кетган такдирда хам чикармаганман. «Битсин уруш» кушигим актуаллигига ишонардим, лекин сифатсиз такдим килиниб бундай холат юз бергандан сунг узим уйлаб колдим, бошкачарок, яхширок суратга олиш ниятим булиб колди. Озгина инглиз тили хам кушиш режамда бор.

Киномонтаж ишлари билан махсус программаларда ишлаётганингиздан хабаримиз бор, узингиз шу клипни тугатмабсизда кунгилгидек?

-Бу клипга 3 йил булди, клиплар ёкмай, коникмаганим, пулига куйганим учун киномонтаж ишларини, режжисурани умуман нафакат аудио балки видео медиани бу тарафини хам мана энди ургандим. Бу сохада хам  ижод килишимга хам тугри келяпти. Хиндистонга бориб  кинопленкага клип олдим узимнинг «Don’t live»    кушигимга, лекин монтажига бу ерда имкони булмагани учун Москвага бориб монтаж килдириб келмокчиман. Мана хозир уша ердаги хинд ижодкорларидан коникмаганим учун, монтажи ёкмагани учун клип турибди. Бу клипга 35.000   доллар сарфладим, лекин мана ётибди. Бу пулим куплигидан эмас, мен тийинлаб йигиб берганман, санъатга фидо килмасангиз булмайди. Бизда хозир мутахассислар камрок, энди энди ривожланмокда, Москвага боришга хам у ерда монтажда 2-3 кун утириш керак. Унга эса хозир вакт йук.

Мусика, шеър, клиплар устида бир узингиз ишлашингиз, албатта бу серкирралик намоёндаси, лекин ижод четлашиб колмайдими? Вакт хаммасига ажратиш? Атрофда ижодий гурух булиши керак-ку

-Вактинчалик бу. Ижод четлашиб колмаяпти Оллохга шукр. Олдин профессионал гурух узим килганим учун хозир атрофимда профессионал созандалар гурухи бор. Узим тушунганим ва ургатганим учун. Менинг орзуим бу бутун мусика, кино, хаммасини уз ичига олган компания ташкил килиш. Кушикчилигим бу илохий Оллохдан, лекин кариб-чуриб сахнага чикиш ниятим йук , сахнадан кетганимдан сунг, хакикий бир бизнес килиб, факат пул топиш учун эмас, санъаткорларни тугри йуналтиришга ёрдам берадиган компания йулга куйиш. Фойдам тегсин демокчиман.

Санъат доим тарозга оилани куяди деган тушунча Сизнинг хаётингизда тугри чикаетгандек.

-100 фоиз! Мендака фидоиси булмаса керак. Хозир хеч нарсани уйламайман, агар хамма нарсани уйлайверсангиз жинни булиб коласиз,  менда эса сал фикрлаш бошкалардан фарк килади. Бу дунёга келдинг тобуткашинг булиши керак, аёлмисан, эринг булиш керак деган тушунчалар тугри, лекин, битта нарсани одамлар эсдан чикариб куяди. Нима килдинг? деган саволга хамма хам жавоб бера олмайди. Хозир узимни бутунлай ижодга багишлаганман. Менда оила куриш деган мажбурият йук. Хаётга инсон нима учун келади ва нима колдиради деган тушунчаларга теранрок карайман. Одам бу дунёга нимага келдим деб узига савол берса, хар битта кунидан унумли фойдаланади. Тагин мени акл ургатяпти деб уйлашмасин укувчилар, мен хам инсон ва менинг хам уз фикрларим дунёкарашим бор, хамма учун жавоб бермаяпман, узим учун узимнинг фикрларим билан булишяпман. Акл ургатадиган санъаткорлар тоифасига кирмайман.

Севасиз ва севимлимисиз?

-Оллохни севаман факат. Бундай саволга жавоб бермайман.

 Хаётда умуман севганмисиз?

-Булиши мум…йук (кулади хандон отиб) йук жавоб бермайман. Шу мавзуга хеч кайтиш ниятим йук, чунки севги …соткин..

 Юлдуз Усмонова билан нахотки сахнани талашдингиз? Икковингиз хам шу жанжалдан сунг …

-(Кулади) Биласизми…Биз…гурур талашдик. Бу ерда инсоннинг кадр-киммати, шахсияти турган эди, одамнинг гурури. Юлдуз Усмоновани   нотугри таргиботи, идеологик нотугри таргибот килишига мен карши чикганман чикаман хам! Санъаткорлар орасида хам нотугри идеологияни таргибот килганига карши чикдим холос.

Биринчи кадамингиз бу хоразм кизларига аталган кушикга жавобингиз булдими?

-Туппа тугри! Нимага? Сизга хозир тушунтириб бераман, буни республикага хам очик айтишим мумкин. Сабаби, кайси хонанда санъаткорнинг санъати шундай кучлик-ки у оммани оркасидан етаклай олади? Энди каранг, Узбекистонда 13 та вилоят бор, Тошкентда хакикий Тошкентлик борлигига бахслашишга хожат хам йук. Энди акллик бир депутат булган, интеллекти бор одам йул бошласа янаям яхши булади. Санъаткорларни давлатни равнакига хиссаси шу-ки  маънавий озука беради халкга, маънавий халкни етаклаб, маънавий йуналтириб, хукуматга тугри йуналтиришга маънавий ёрдам бериши керак. Аслида! Яъни уша тинчликни сакланиши, тугри идеологик пропаганда олиб бориш, одамларнинг психологиясига тугри таъсир килиш, урнак булиш, бу нарсани хаммасини авваламбор катта санъаткорлар бажариши керак. Мана Сизга битта мисол, бир вактлар мен абитурентлик вактимда бир талабалар ётокхонасида талабаларнинг катта катта жанжаллари булган. Сурхандарёликлар, Кашкадарёликлар бир тарафда-ю, Фаргона водийси бир тарафда булиб жанжаллар буларди. Унга хам кандайдир бир сабаб булган-ку тугрими? Юлдуз Усмоновани «Хоразимлик кизларга»   кушигини эшитганимдан сунг миямга бир нарса урди, «Буни окибати нима билан тугаши мумкин?». Хоразимлик кизлар деб айтганида канчадан канча гурурлик хоразмлик эркаклар яшаяпти бу ерда.   Фарки нима? Хаммаси Узбекистонни одами-ку. Гурури бор одамга тегмайдими? Эртага гап кутарилганда нима билан тугаши мумкин окибати? Охири нимага бориб такалиши мумкин? Фукаролар ички келишмовчилигига олиб келмайдими? Бу ички емирилишга олиб келмайдими? Мамлакат равнакини уз уйингдан бошла, остонангдан бошла, ватан остонангдан бошланади деган гаплар борку. Бунакада элатчилик булади-ку.  Мен тинч мамлакатда яшаяптманми, бундан кейин хам тинч булишини хохлайман. Бундай санъаткорлар тинчликни, одамларни яхши тарафга йуналтиришни урнига низони кузгамаяптимикан? Бундок уйлаб караганда нима билан тугаши мумкин окибати? Мени фикрим, «Сен хоразмлик, сен Фаргоналик» деган нарса умуман узи булиши керак эмас. Бу нотугри нарса, чунки конституцияда хам ёзилган. Бу аёлни жиноий жавобгарликка хам тортиш мумкин эди, сен нотугри таргибот  киляпсан, эртага буни оркасидан низо келиб чикиши мумкин деб.     

Вилоятларда водий тарафларда бир икки жанжалли гастрол вокеалари хакида эшитгандик

-Водийда хеч бунака вокеалар булмаган, Сурхандарёда булган, аник эсимда йук тафсилот, ташкилотчи фрибгарлар бор, пул масаласида булган.

Интернетга муносабатингиз, сайтингиз борми?

-Муносабатим ижобий, вакт ажратиб тураман, шахсий сайтимни очганимга асли 2 йил булди, номланишини хозир узгартиряптганим боис хозирча айтмай тураман, мен истаган манзил банд экан. Маямида кимдур банд килган экан, Озададурда у хам (кулади). Бир фаолиятни бошлагандан кейин узук-юлук эмас, хар тарафлама тулик булиши керак. Албомларим, кушикларим шу сайтимдан сотилишини режалаштирганман. Хозир сайт билан шугулланишга вакт хам эхтиёж хам йукрок.  Стратегия деган тушунчалар мавжуд.

Стратегиянгиз нималардан иборат?

-  Стратегиям улда-жулда ишлашдан йирок. Бир ишни бошладимми хаммаси тулаконли булиши керак. 1993 йилги кушигимни 1997 йил чикарганман. Нимага? Тайёр эмасди, лекин мен тайёр деб уйлаганман. Агар уша йили чикарганимда бундай булмасди. Пиар компания дегани хаммаси бир дегани. Интернетда бир куринишда чиксангиз худди шу куринишда инсон куз унгида гавдаланиб колаверасиз. Интернетни бекорга ургимчак инига киёслашмайди, у ердан хамма ерга таркалади, мен ёмон нарсани таркалишини хохламаман. Сифатли булиши керак. Ва хозирда таркалаётган ижод намуналари нолегал таркаляпти тугрими? Мен эса сифатли махсулотни легал сифатли таркатмокчиман. Мен нолегал ишламайман, легал деганда мен узининг сайти хар тарафлама тулаконли булган, расмий, тасдикланган, узининг логотипига эга, махсус чизгиларидан иборат, махсус муаллифлик хукуклари химояланиб курсатилган ва ижод намуналарим кадрига яраша пулга сотиладиган сайтни тушунаман. Янги албомим тайёр булиши билан интернет оркали расмий сотилади.

Устоз деб билган инсонларингиз?

-Устоз? Хаёт!

Бугунги кунда узингиз учун ижодкор ва санъаткор сузига муносиб ажрата билган инсонларингиз. Санъат оламидан дугоналар бундан мустасно.

-Оббо…кийин савол бердингизку.

Келинг аввал Санъаткор деган инсон билан..

-Саноаткорнинг фарки нима демокчимисиз? (кулади)  Санъаткор ижодкор инсон асар яратиши керак! Композиция ярата билиши керак. Биласизми  сиёсат ва дин мавзуси хеч качон тугамайди. Шунингчун хеч качон иккисига аралашмайман. Калласи етмаган одам кирмасин ва аралашмагани маъкул. Хар бир инсон аввал уз ишини килсин. Санъаткор утириб олиб сиёсатни мухокама килганидан олдин аввал узини санъатини ургансин. Келиб чикиши кандай, шуни ургансин. Хозирги купгина санъаткорларимиз утириб олиб, динни таргиб киладиганлари купайиб колган. Мен бунга катъиян каршиман. Сиёсатни таргиб киладиган санъаткорларга хам  каршиман. Санъаткорми, санъаткорлигини килаверсин. Уёкдан-буёкдан эшитган, тугри-нотугри, узи хис килмаган нарсани  таргиб килиб утиргандан кейин санъатни ким килади? Шунингчун ижодкорни узи колмадида. Санъаткор бу муллами, корими, суфими билмай колдик. Очик гап, санъаткор санъатини килсин. Нима кераги бор, нима килади аралашиб? Сен гапирма, сен урнак бул, етади шу. Нимага утириб туртта одамга гапирасан? Гапирадиган одамлар тикилиб ётибди, хаммаси тилда, амалда кам. Мана битта нарса, шу нарсани очик ёзишингиз ни сурайман, хали интервью килишдан   аввал сухбатлашиб утирганимизда хам айтдим шу гапни, инсон узидан кидириши керак айбни. Битта хонадонда бир она туртта фарзанди билан яшаяпти дейлик, угли масжидга чикиб кетса, ха масжидга  чикяпти деб хурсандчилик билан чегараланиб колмокда. Лекин, у бола нима киляпти масжидда, нима дарс оляпти, домласи нималарни ургатяпти, нималар деяпти суриштирмайди. Бу мавзу умуман дин мавзуси кириб келганидан битмайди. Шу нарсани куп одам тушунмайди. Хамма дин хакида бахслашаверса ким ишни килади? Шу хар кандай окимлар пайдо булишига хам шу бахслар сабабчи. Кейин хар бир инсон уз манфаатида фойдаланишни бошлайди. Хозир нима учун умуман катта керакли сохалар, масалан сув хужалиги дейлик, мутахассислар камайиб кетмокда. Дейлик авиасозлар кам, бу ишларни ким килади? Хамма медик,   юрист,  ва артист. Колганини ким килади? Бошка шахарларга кетиб ишлаш шартмас, тикилиб ётибди узимизда хам иш. Инсон сиёсат хакида бидиллашдан олдин узининг бурчи хакида тушунчага эга булиши керак, узини олдида, оиласи олдида, ватани олдида. Шунга айтмокчи булганим, айбни тузумдан, бошкадан эмас, узимиздан излашимиз керак.  Санъатда худди шундай фалокат. Саволингизга хотима тарикасида жавоб берадиган булсам, мен хеч кимни намуна кила олмайман, узр. Бу куролмаслик хислати деб тушуниш керак эмас, шунчаки хозирги санъаткорлар галати булиб колган, билмайман нимага, тушунмай колганман уларга. Бир программалаштирилган роботга ухшайди, хиссиёт колмади санъаткорларда. Ижодни «и» харфи булса мен хурсанд булардим. Санъат бу энг катта куч ва энг катта курол.

Дуэтларингиз шов-шувли буларди, режада борми яна? Ва кимлар булиши мумкин?

-Бор режада. Режадаги санъаткор Узбекистонлик эмас. Менга куп санъаткорлардан таклиф тушган, мен рад жавобини бердим. Бир Улугбек Отажоновдан таклиф булди, нимагадур узи жимиб кетди, дангасарокда. Окам, дустим дейман, яхши кураман, муносабатлар яхши, лекин, тугрисини айтган маъкул. Таклиф булганида мен майли,  аввал ижод намунасини курай, кейин ишлаймиз дедим. Шу билан нимадур булиб колиб кетди. Кейин Саъдулла ока Озодбек Назарбеков билан дуэт айтишни таклиф килган эди,  кейин яна кимлардур. Тугриси, энди мени овозим… йук, купол дея олмайману лекин,   «месса сопрано». Ингичка юмшокрок овозлар булса, кийналиб коламанми…ёки у кийналиб коладими (кулади) шунака булиши мумкин, билмадим тагин.

Концерт дастури билан качон бизларни хурсанд киласиз?

-Тугрисини айтганда концерт килиш ниятим бор, утган сафар бизларни озгина моддий тарафлама    кийнашгани учун уйланиб турибмиз. Бизни шароитимизни охиригача килиб беришмади, хуллас пулимизни беришмади демокчиман.  Маблаг булмаса кийин. Лекин дастурим тайёр, мен айнан бу дастуримни икки йил олдиндан тайёрлайман.

Якинда Сизни кимдур яхшигина чув туширибди деган гап эшитдик, шу ростми?

-Мен битта нарсани очик айтаман, хозир халкга эълон килмокчиман бир руй берган вокеа тугрисида. Якинда Учтепа туман ИИбсига мени терговга чакиришди. Кимдур мени устимдан ёзган экан. Энди тухматга колавериб урганганиб колганманку, албатта охирида хакикат чикади, лекин унгача мени асабларим, юрагим тамом буладида. Халиги терговда мен умуман танимайдиган одам, худди-ки мен ундан пул олганман ва кайтариб бермаган фрибгар булиб чикяпман. Мен кулдим, ия мен узим одамларга пул бериб чув тушадиган инсон булсам. Хуллас халиги инсон мени номимдан бир телефон номери берган, ва халиги телефондан узи мени овозимга таклид килиб Озода булиб гаплашган. Аник булишича бир аёл кишига характери якинрок юмшокрок йигит кариндошим, мени уйимга келиб кетиб юрган, мен билан расмларга тушган, одамларга бир телефон ракамини бериб, улар кунгирок килишганида мени овозимга ухшатиб Озода булиб гаплашар экан. Халиги овозимни ухшатган ёзилган тасмани эшитиб узим иккиланиб колдим, накадар ухшатганлигига. Хозир биз билганимиз 8-9 одам. Нечча минг долларларга алдаб кетган. Шу йигит хозир терговда, ва мен бир эълон килмокчи булганим, Ахрор деган йигит Озодани кариндошиман деб, ёки бу Озодани номери деб телефон ракамини берган булса, кандайдир номимдан иш килган булса, ваъда берган булса, кимлардур унга алданиб колган булса, Тошкент шахар Учтепа ИИБсига мурожаат килишсин. Биласизми бу йиллар давомида  5-6 йил булиб келган нарса экан. Мен нимага авваллари куп таъкикга учраганимнинг хам сабаблари мана шунга бориб такалмокда. Чунки мени номимдан нималар килмаган экан у йигит. Нималар демагандур кимларгадур. Мен унинг оркасидан азият чекиб келганман. Мен булиб гаплашиб оркамдан канча ишлар килиб юборган.

Сизни узига устоз деб билиб юрган шогирдлар бисёр. Кимларни шогирд дея оласиз? Шахноза Абдуллаева хам куп такрорлаган устозим деб Сизни

-Ким эди у? Ха, Хоразмлик кизми? Битта нарса-да, масалан  у менга ижод килиш йули, мени андаза килиб устоз билиб шунга караб ишлайди.

Маъсулият барибир Сизда булади-ку, унинг ижодини юзи барибир кайсидир маънода Сизга хам тегишли булади.

-Очигини айтганда устоз шогирд деган нарсага мен хеч бир тухталмаганман. Чунки мени устозим – хаёт! Авваламбор домлаларим булган, Фаттоххон окам, Хуррият опа, улардан куп нарсалар ургандим. Мухриддин Холиков менинг устозим эди, яхши курардим шу инсонни, куп эслайман. Менга куп нарса ургатган хакикатдан. Санъатдаги эстрадада ягона устозим Мухриддин ока Холиков. Очигини айтсам устоз шогирд деган нарсани тушунмайман. Чунки менга канчаси шогирд буламан деб уйимга келиб, канчаси «кийдириб» кетди. Очик гап, уйимдаги нарсаларимни угирлаб кетишган. Шогирд буламан деб келиб номимни сотиб канча ишлар килиб юборишди. Шунингчун устоз шогирд деган нарсаларни тушунмай колдим. Йул-йурик курсатишим мумкин, лекин бир хиллар боласи билан келиб, уйим йук деб, мен рахмим келиб киргазсам, уйларимни эшикларимни синдириб купориб кетишганлари булган,  мен галати булиб колдим, кандай килиб яшаш керак мен тушунмай колдим.(кулади) Кунглим буш-да. Билмасам бу мавзуда хозир, устоз шогирд деса, гапиришимга тил ожиз. Лекин йул йурикда, маслахатда, санъатда эстрадада номдор куп юрган шогирдларим бор, санаб утмайман.

Хаётда фобиянгиз борми? Кучли куркиш хиссиёти?

-Бор.   Йулимдан адашишдан куркаман. Адашиб туриб адашганимни тан олмаслигимдан куркаман. Ёмонлигини билиб туриб адашиб, яна кайта шу йулга тушишни назарда тутяпман. Бутун умр бир хатоликка учрайверишдан куркаман. Хиссиз роботга айланишдан куркаман.

Озоданинг салбий жихатлари, узи курашиб тугирлай олмайдиган тарафлари.

-Адолатлик!

Бу салбий жихатга кирадими?

-Менга бу салбий окибатларни келтиради. Хакконийлигим адолатпарварлигим менга куп панд беради. Буни салбий деб булмайди, лекин   баъзида, хар доим хам эмас,  менга салбий окибатларни келтиради. Охирида барибир хаммаси руёга чикади, лекин умр утяпти. Жим туришим мумкин бир икки караб туриб, кейин портллайман. Агар бирон нарса нотугри булса отамниям онамниям аяб утирмайман. Шу одатим жуда ёмон.

Инжиксиз хам?

-Купрок талабчанман. Нафакат ижодимга, балки узимга хам. Биласизми мен кандай ишлайман? Атрофимдагиларни биттаси чидамайди. 4-5 таси колган, чунки ишлатаман! Совет тузумидаги кунбай ишга урганиб колган, келдимку ишга деб. Келдинг, сендан нима фойда?

Серкирра ижодкор сифатида балки филмларда хам курармиз актриса сифатида?

-Хеч качон! Куп таклифларни рад килганман. Хаётда биттагина кинода рол талкин киламан. Биринчи ва охиргиси булади. У факат сандикда сакланадиган филм булмайди. Бу филм ижод намунаси, асар булиши керак.