Kuz - sarg'aygan yaproqlar fasli,

Sog'inchlarni eslatgan yomg'ir.

U biz kabi bir telba asli,

Kuzning dardi bunchalar og'ir.

Qadam bossam shitirlar hazon,

Yolborgandek kuchsiz bemador.

Yurak urib borar chalajon,

Hazonlar dardi unda ham bor.

Nechanchi bor o'tarman yolg'iz,

O'sha sokin jim-jit ko'chadan.

Nahot endi hazon hayoli,

Asrar meni yolg'iz kechadan.

Qiziq, nechun  satrlarimda,

Men sevgini kuylamay qo'ydim.

Qalb yulduzsiz osmondek bo'm-bo'sh,

Men hijronning dardidan to'ydim...